Call: (+374 60) 65 74 41

Քոբայր

Kobayr 016Քոբայր վանական համալիրը գտնվում է Դեբեդի ժայռեղեն կիրճի բարձրադիր դարավանդի վրա: Մասամբ պահպանվել են համալիրի երեք եկեղեցիները, զանգակատուն-տապանատունը, սեղանատունը, մատուռների, խաչքարերի և բերդապարսպի մնացորդները:

Մենաստանը հիմնադրվել է Բագրատունյաց տան Կյուրիկյան ճյուղի Կյուրիկե Բ թագավորի դուստր Մարիամի կողմից 1171 թվականին։ Քոբայրի վանական համալիրի կառույցների ընդարձակումը սկսվում է 12-րդ դարի վերջից 13-րդ դարի սկզբին, երբ վանքը Կյուրիկյաններից անցնում է Զաքարյաններին։ Այդ ժամանակ են կառուցվում գլխավոր եկեղեցին, մատուռ-ավանդատունը, դրան արևմուտքից կից բաց սրահը, սեղանատունը, զանգակատուն-տապանատունը, մատուռները և ամրաշինական կառույցները։

Հանդիսացել է միջնադարի կարևոր հայ գրչօջախներից և մշակութային կենտրոններից մեկը, որի հետ է կապվում 12-րդ դարի նշանավոր մատենագիր Դավիթ Քոբայրեցու գործունեությունը։

Գլխավոր եկեղեցու հիմքում առկա է կիկլոպյան կառույցներին հատուկ շարվածք, վերին շերտում այն վեր է ածվում մի մեծ հարթակի, որի վրա կառուցված է համալիրի գլխավոր կառույցը Ս. Աստվածածին եկեղեցին: Եկեղեցին աչքի է ընկնում իր շքեղությամբ ու ինքնատիպ որմնանկարներով, որոնք վերանորոգվել ու նկարազարդվել են ավելի ուշ շրջանում:

Քոբեր-Քոբայր տեղանվան ստուգաբանությունը դեռևս բացատրության կարիք ունի: Ժողովրդի շրջանում այն մեկնվում է որպես «Այրիվանք», «այր, քարանձավ»: Նրա վերաբերյալ կա մի ավանդազրույց ևս, որը բացատրվում է հետևյալ կերպ, թե սրբավայրը կռվախնձոր է հանդիսացել և, ժամանակ առ ժամանակ վիճարկելիս, արտահայտվել է հետևյալ միտքը՝ «Սա, քո բերդն է՞, թե՝ ո՞ւմ»:

 

Ստանալ ուղղությունը
    Show the options

Որտեղից :  կամ 

Դեպի :  կամ 

Մասամբ ամպամած

16°C

Դսեղ

Մասամբ ամպամած
Խոնավություն: 87%
Քամի: Ամ 6.44 կմ/ժ
Ուրբ. 14°C / 20°C Ամպրոպներ
Շբթ. 12°C / 22°C Առավելապես արևոտ
Կրկ. 10°C / 25°C Արևոտ
Եկշ. 13°C / 27°C Արևոտ
Եքշ. 16°C / 29°C Արևոտ
Չքշ. 16°C / 28°C Առավելապես արևոտ
Հգշ. 18°C / 26°C Մասամբ ամպամած
Ուրբ. 16°C / 22°C Մասամբ ամպամած
Шаблоны Joomla 3.4.
Сайт своими руками.